Адыгэ Республикэм культурэмк1э и Министрэу

Чэмышъо Гъазий фэк1о

Рэзэныгъэ тхылъ!

Истамбыль Адыгэ  Кавказ Хасэм, к1элэ1цык1у къэшъок1о купэу «Мафэ», купым ик1эщак1охэр, ащ  янэ ятэхэу купым к1ыгъугъэхэм /хэкум щыхьэк1агъэх 26.06.-02.07.2010/ ац1эк1э  Тхьа шъуегъэпсэу шъотэ1о.

Тыгу ренэу илъыщт, тщыгъупшэщтэп Адыгэмэ заряхабзэу дэхагъэрэ, ц1ыфыгъэрэк1э къытпэгъок1ыгъэхэу  Адыгэ Республикэм и Президент, Правительствэмрэ и Парламентымрэ ац1эк1э Культурэмк1э Министрэу Чэмышъо Гъазий,   Министрэ гуадзэу Шъхьэлэхъо Светланэ;

Энэмк1э, Тэхътэмыкъое район,  К1эрмыт Мугдин – Республикэу Адыгеим и Къэралыгъо Совет-Хасэ  идепутат, бизнесмэн, К1элэц1ыку къэшъок1о купэу «Нэфым» ик1эщак1у;

Адыгэ Хасэм и тхьэматэу Хьапае Арамбый;

Лъэпкъ къэшъок1о купэу «Нальмэс» и тхьэматэу, артист ц1эры1оу Къулэ Мухьамэд, зэхищэгъэ къэшъок1о ансамблэу «Мыекъуапэ инэфылъхэр», ащ хэт к1элэц1ык1ухэм, янэ-ятэхэм, 1оф адэзыш1эхэрэм;

К1элэц1ык1у къэшъок1о ансамблэу «Майкопчаночка» зи пащэу зэлъаш1эрэ хореографэу Къулэ Амэрбый, к1элэц1ык1оу хэтхэм, як1элэегъаджэхэм;

Адыгэ хэкум  ит  Адыгэ Хасэхэм  ац1эк1э къытпэгъок1ыгъэхэм;

Орэды1о ц1эры1оу Кушъэкъо Симэ, ти концертхэр зыгъэдэхагъэр;

Адыгэ лъэпкъ музеим и тхьэматэу Джыгунэ Фатимэ;

Гъук1э Замудин - лъэпкъ ш1эжь-лэжь 1эпэ1ас, и этнограф музей;

Нэгъуцу Аслан -  НАН- центр, лэпкъ 1эпэ1эсэныгъэ ш1эжь-лэжь гупчэм итхьэмат;

Хьаткъо Айвар – ИЧП «Нарт» и тхьэмат, шхэп1э-джэгуп1э ш1ып1эу «Жъогъо пш1ык1ут1у»;

Адыгеим и телевидение Къ.ТРК «Адыгеим» и тхьэматэу Бэгъушъэ Азамат, «Адыгэ макъэм» ык1и «Советская Адыгея» я редактор шъхьа1эхэм Дербэ Тимур, Кондратенко Валерий;

Газетэу «Аргументы и факты» Мыекъуапэ къыдэк1рэм дэлажьэрэ редакцием, анахьэу журналистэу Марина Алисовам;

Къэралыгъо филармонием джэгу тфызэхэзыщэгъагъэ к1элэ ныбжьык1эхэм;

Къалэу Мыекъуапэ, Тэхътэмыкъое, Шэуджэн, Мыекъопэ районхэм  я1эшъхьэтетхэм, культурэмк1э, к1элэц1ык1у  п1уныгъэмк1э  я1офыш1эхэм, унагъохэм;

  Шапсыгъэмк1э, К1ак1ыхъу Мэджид - Адыгэ хасэм итхьэмат,  Агуй –Шапсыгъ, Нэбыгъу къуаджэ дэсхэмэ;

Зэк1эхэми, тилъпкъэгъу хэкурысхэу, зи ц1э къетмы1ошъугъэхэм, нэмык1 лъэпкъхэу хэкум исхэми  тхьашъуегъэпсэу ятэ1о. Сэлам фабэрэ, ш1улъэгъуныгъэрэ афэтэгъэхьы.  Тхьам тышъуфелъэ1у непэ фэдэу мамырыныгъэрэ, зэгуры1оныгъэрэ ти Адыгэ хэку ренэу илъынэу. Орэпсэу ренэу ти Адыгэ хэку!

Нэгъой  Хьалит-Яшар,

Хэсэ тхьэмат,

Истамбыль,  12.07.2010.